वीरगन्ज साईक्लिङ क्लबद्वारा प्रहरीलाई स्वास्थ्य सामग्री हस्तान्तरण
ट्रिब्यून न्युज
वीरगन्ज, १० बैशाख । जिल्ला प्रहरी कार्यालय पर्सा र जिल्ला ट्राफिक प्रहरी कार्यालय पर्सालाई वीरगन्ज साईक्लिङ क्लबले कोरोना संक्रमणबाट बच्नका लागि स्वास्थ्य सामग्रीहरु हस्तान्तरण गरेको छ । वीरगन्ज साईक्लिङ क्लबको टोलीले जिल्ला प्रहरी कार्यालय पर्सा र ट्राफिक प्रहरी कार्यालय पर्सामा गएर स्वास्थ्य सामग्रीहरु हस्तान्तरण गरेको हो ।
जिल्ला प्रहरी कार्यालय पर्सालाई सात थान पीपीई, ४५ लिटर सेनिटाईजर, दुई हजार मास्क, स्टिम भेपोराईजर ३० पीस, २०० एमएलको सेनिटाईजर २० पिस र ४ पिस थर्मल गन गरी कूल ५० हजार रुपैया बराबरको सहयोग सामग्री प्रहरी उपरीक्षक बेल बहादुर पाण्डेलाई हस्तान्तरण गरिएको क्लबका अध्यक्ष सञ्जय अग्रवालले जानकारी दिनुभयो ।
त्यस्तै जिल्ला ट्राफिक प्रहरी कार्यालय पर्सालाई १० लिटर सेनिटाईजर, १ हजार पिस मास्क, २०० एमएलको सेनिटाईजर ५ पिस गरी कूल १० हजार बराबरको स्वास्थ्य समाग्री ट्राफिक प्रहरी कार्यालयका प्रमुख प्रहरी निरीक्षक सुमन कार्कीलाई हस्तन्तरण गरिएको अग्रवालले बताउनुभयो । सामग्री हस्तान्तरण टोलीमा सञ्जय अग्रवाल, अनुप अग्रवाल र नुतन सरावगीको सहभागिता रहेको थियो ।
