फागुन २८ गते तोकियो भन्सार एजेन्टको परीक्षा
वीरगन्ज, २६ माघ । अन्योलनमा रहेको भन्सार एजेन्टको लिखित परीक्षा आगामी फागुन २८ गते हुने भएको छ । भन्सार विभागले बुधबार सूचना जारी गर्दै परीक्षा फागुन २८ गते दिउँसो २ बजे हुने जानकारी दिएको हो । परीक्षा केन्द्र भने पछि प्रकाशन गरिने विभागले जनाएको छ ।
त्यसपछि २०७८ जेठ २२ मा तोकिएको परीक्षा कोरोना संक्रमणका कारण स्थगित गरिएको थियो । त्यसपछि फेरि आगामी माघ २९ गते तोकिएको परीक्षा पनि स्थगित गरिएको थियो ।
पुराना भन्सार एजेन्टको स्वार्थमा परीक्षा लिन विलम्ब गरिएको भन्दै आवेदकहरुले यसअघि भन्सार विभागमा धर्नासमेत दिएका थिए । २०७७ साल चैत १७ गते भन्सार एजेन्टको इजाजतपत्रका लागि दरखास्त आवेदन माग गरिएको थियो । ६६० पदका लागि साढे ९ हजारले आवेदन दिएका छन् ।
भन्सार एजेन्टहरुले निकासी र पैठारीकर्ताको काममा सहजीकरण गर्दछन् ।
अनलाईन खबर ...........