चैत २९ गते वीरगन्जमा राप्रपाको आमसभा हुने
ट्रिब्यून न्युज
0
11
वीरगन्ज । राप्रपाका अध्यक्ष राजेन्द्र लिङ्गदेन पर्साको आमसभालाई सम्बोधन गर्न वीरगन्जमा आउनु हुने भएको छ । अध्यक्ष लिङ्गदेन चैत २९ गते पर्सी वीरगन्ज आउन लाग्नुभएको हो ।
राप्रपा पर्साले आज पत्रकार सम्मेलनको आयोजना गर्दै अध्यक्ष लिङ्गदेन बिहान ११ बजे कार्यक्रममा सहभागी हुने जानकारी दिएको छ । अध्यक्ष लिङदेन, उपाध्यक्ष विक्रम पाण्डे, महासचिव धवल सम्शेर राणा सहित पूर्व अध्यक्षहरु पशुपति सम्शेर राणा, डाक्टर प्रकाशचन्द्र लोहनी, रेखा थापा लगायत पनि आमसभामा आउने नेपाल पत्रकार महासंघ पर्साको सभाकक्षमा आज आयोजना गरिएको पत्रकार सम्मेलनमा जानकारी दिएको हो ।
राप्रपा पर्साका अध्यक्ष सुमेश्वरनाथ उपाध्यायको अध्यक्षतामा भएको पत्रकार सम्मेलनमा राप्रपा नेताहरु नगिना यादव, शम्भु प्रसाद चौरसीया लगायतको उपस्थिति रहेको थियो ।
