रोहिणी नदिमा भएको बस दुर्घटनामा ज्यान गुमाउनेहरुको पहिचान खुल्यो
ट्रिब्यून न्युज
0
9
वीरगन्ज, २२ जेठ । आईतबार बिहान रुपन्देहीको रोहिणी गाउँपालिका–३ मा बस दुर्घटनामा ज्यान गुमाउने ४ जनाको सनाखत भएको छ ।
मृत्यु हुनेहरूमा तिलोत्तमा नगरपालिका–२ योगीबुटी घर भएका ५६ वर्षीय विष्णु पौडेल, रौतहट चपुर बस्ने वर्ष २० का दिनेश दास, बुटवल उप–महानगर वडा नम्बर–११ घर भएका कृष्ण प्रसाद बस्याल र रुपन्देहीको ओमसदिया बस्ने ६५ वर्षीय राजेन्द्र पाण्डे छन् ।
जनकपुरबाट भैरहवा आउँदै गरेको लु २ ख ३८४१ नम्बरको बस भैरहवा–परसी हुलाकी सडक खण्डमा स्थित पुलबाट खसेको थियो । दुर्घटनामा मृत्यु भएका अरु ५ जनाको सनाखत गर्ने प्रयास भइरहेको रुपन्देहीका प्रहरी उपरीक्षक रवीन्द्र रेग्मीले बताउनुभयो ।
