प्रहरी उपरीक्षक पाण्डेको विदाई
ट्रिब्यून न्युज
वीरगन्ज, ८ मंसिर । पर्साबाट सरुवा हुनु भएका प्रहरी उपरीक्षक बेल बहादुर पाण्डेलाई विभिन्न संघ संस्थाहरुले सम्मान र बिदाई गरेको छ ।
ग्रिनसिटि सामुदायिक सेवा केन्द्र तथा ग्रिनसिटि सामुदायिक प्रहरी सेवा केन्द्र आदर्शनगर १० पर्सा र छपकैया सामुदायिक सेवा केन्द्र पर्साको संयुक्त आयोजनामा प्रहरी उपरीक्षक पाण्डेलई सम्मान सहित विदाई गरेको हो ।
जिल्ला प्रहरी कार्यालय पर्साबाट प्रहरी प्रधान कार्यालय कार्य विभाग सुरक्षा व्यवस्थापन महाशाखा नक्साल काठमाण्डौमा सरूवा हुनु भएका प्रहरी उपरीक्षक वेलबहादुर पाण्डेलाई ग्रिनसिटी सामुदायिक सेवा केन्द्र आदर्शनगरमा विदाई गरिएको हो ।
सामुदायिक प्रहरी सेवा केन्द्र आदर्शनगरका अध्यक्ष जयप्रकाश खेतानको अध्यक्षतामा कार्यक्रमको आयोजना गरी सरुवा हुनुभएका प्रहरी उपरीक्षक पाण्डेलाई सामुदायिक प्रहरी सेवा केन्द्र छपकैयाका अध्यक्ष ग्याँसुद्दीन ठकुराई लगायतका सामुदायिक सेवाकेन्द्र छप्कैया र आदर्शनगरका पदाधिकारीहरुले प्रहरी उपरीक्षक पाण्डेलाई अविर, माला र खादा लगाएर बिदाई गरेका थिए ।
