तरकारीको भाऊ आकाशिएपछि मानवसेवा आश्रमद्वारा तरकारी संकलन अभियान शुरु
ट्रिब्यून न्युज
0
31
वीरगन्ज, ८ मंसिर । उपभोग्य वस्तुहरुको मूल्यवृद्धि भएर गरिब विपन्नहरुलाई हातमुख जोर्न समस्या भईरहेको अवस्थामा तरकारीको भाउ आकाशिएपछि आश्रममा बस्नेहरुलाई झन समस्या भएको छ ।
विभिन्न सहयोगी मनका दाताहरुको सहयोगमा संचलित मानवसेवा आश्रम वीरगंज शाखाका आश्रितहरुलाई खुवाउने तरकारी संकलन अभियान सुरु गरेको छ । तरकारीको भाउ अत्यन्तै महँगो भएकोले मानवसेवा आश्रममा आश्रित रहेको ७० जनालाई खाना खुवाउनका लागि प्रत्येक शनिबार बिहान ८ देखि १० बजे सम्म घन्टाघर र मीना बजारमा तरकारी संकलन सुरु गरेको मानव सेवा आश्रम प्रदेश २ का संयोजक देवश गुप्ताले जानकारी दिनुभयो ।
हातमा बोरा बोकेर आश्रमका स्वयंसेवक हरुले बजार भरि घुमेर तरकारी संकलन शुरु गरेको हो । तरकारीको भाउ महंगो भएपछि किनेर खुवाउन सक्ने अवस्था नहुँदा संकलन गर्नुपरेको मानवसेवा आश्रमले जनाएको छ ।
