चोरीको मोटरसाइकल सहित तीनजना पक्राउ
ट्रिब्यून न्युज
वीरगन्ज, १२ फागुन । जिल्ला प्रहरी कार्यालय पर्साले चोरीको मोटरसाईकल सहित तीनजनालाई पक्राउ गरेको छ । पक्राउ पर्नेहरुमा वीरगन्ज महानगरपालिका वडा नम्बर २४ का २७ बर्षीय दिलिप कुमार चौधरी, वडा नम्बर ३ का २० बर्षका हस्मोद्दीन मियाँ र वडा नम्बर २५ बस्ने बर्ष २४ का राजन पटेल रहेका छन् ।
बाराको परवानीपुर गाउँपालिका वडा नं.३ बस्ने वर्ष २२ को निरन्जन रौनियारको प्रदेश २–०३–००७ प. ८३०५ नम्बरको नीलो रंगको १२४.७ सीसी को होण्डा साइन मोटरसाइकल फागुन ५ गते दिउँसो ३ बजे ठाकुरराम बहुमुखी क्याम्पसको पार्किङ स्थलमा पार्किङ
गरी राखिएको अवस्थाबाट चोरी भएको उजुरीको आधारमा प्रहरीे खोजी अनुसन्धान गर्दै जादाँ अभियुक्त मध्य राजन पटेलको घरमा लुकाइछिपाई राखेको फेला परेको प्रहरी प्रवत्ता प्रहरी नायव उपरीक्षक ओमप्रकाश खनालले बताउनुभयो ।
चोरी भएको मोटरसाईकलको पार्टपुर्जा खोली वडा नं.३ बस्ने वर्ष ३२ का महमद हस्मोदिन मियाँले आफ्नो ना.८ प।. १०८३ नं. को होण्डा साइन मोटरसाईकलमा लगाएको अनुसन्धानबाट खुलेकोले उनीहरुलाई पक्राउ गरि सात दिनको म्याद थप गरेर अनुसन्धान भईरहेको प्रहरी नायव उपरीक्षक खनालले जानकारी दिनुभयो ।
