अनलाईन न्युज दैनिक पत्रिकाको विमोचन
ट्रिब्यून न्युज
0
10
वीरगन्ज, ११ बैशाख । वीरगन्जबाट प्रकाशन शुरु गरेको अनलाईन न्युज दैनिक पत्रिकाको आज बिमोचन गरिएको छ । वीरगन्जको पानीटंकी स्थित डायमण्ड पार्टी प्यालेसमा आयोजित कार्यक्रममा दैनिक पत्रिकाको प्रतिनिधिसभा पर्सा क्षेत्र नम्बर २ का सांसद अजय कुमार चौरसियाले विमोचन गर्नुभएको हो ।
विमोचन पछि बोल्दै उहाँले लोकतन्त्रमा सञ्चार माध्यमको भूमिका महत्वपूर्ण रहेको र यसले लोकतन्त्र थप बलियो बनाउन मद्दत पुग्ने बताउनुभयो । पत्रिकाका प्रकाशक अजय साहको अध्यक्षतामा भएको कार्यक्रममा नेपाल पत्रकार महासंघका केन्द्रीय सचिव दिपेन्द्र चौहान, प्रदेश महासचिव श्याम बञ्जारा, प्रेस युनियनका केन्द्रीय सचिव अशोक तिवारी, केन्द्रीय सदस्य निलिमा पौडेल, जिल्ला अध्यक्ष रामनारायण कुर्मी लगायतले शुभकामना मन्तव्य व्यक्त गरेका थिए ।
