पर्सा निर्वाचन क्षेत्र नम्बर ४ को (२) मा जसपाका सिंगासन सा कलवार विजयी
ट्रिब्यून न्युज
0
25
वीरगन्ज, ६ मंसिर । जनता समाजवादी पार्टीले पर्सामा खाता खोलेको छ । प्रतिनिधिसभा निर्वाचन क्षेत्र नम्बर ४ को प्रदेसभा (२) का उम्मेदवार सिंगासन सा कलवार विजयी हुनुभएको छ ।
मंगलबार भएको मतगणनाको अन्तिम परिणाम अनुसार सिंगासन सा कलवार १५३८५ मत ल्याएर विजयी हुनुभएको निर्वाचत अधिकृत योगनाथ ढकालले जानकारी दिनुभयो ।
उहाँका अनुसार कलवारका निकटतम प्रतिद्वन्दी स्वतन्त्र उम्मेदवार प्रल्हाद साह कानुले १२६४१ मत पाउनु भएको छ । पाँचदलीय गठबन्धनबाट उम्मेदवार बन्नुभएकी नेकपा माओवादीकी चाँदा तारा कुमारीको १७६५ मत मात्रै आएको छ ।
८७६ मत बदर भएको छ । क्षेत्र नम्बर ३ को (२) मा कूल ३२५९३ मत सदर भएको छ । कलवार यसअघि पनि जनता समाजवादी पार्टीबाट प्रदेशसभा सदस्य रहनुभएको थियो ।
