जुवाखालबाट चारजना पक्राउ
ट्रिब्यून न्युज
0
8
वीरगन्ज, ८ कार्तिक । जिल्ला प्रहरी कर्यालय पर्साले जुवाको खालबाट चारजनालाई पक्राउ गरेको छ । वीरगन्ज महानगरपालिका वडा नम्बर १७ अलौमा जुवा खेल भईरहेको जानकारी प्राप्त भएपछि वडा प्रहरी कार्यालय श्रीपुरबाट गएको प्रहरी टोलीले सोमबार कौडा खेलीरहेको अवस्थामा चारजनालाई पक्राउ गरेको हो ।
पक्राउ पर्नेहरुमा वीरगन्ज महानगरपालिका वडा नम्बर १७ का लक्ष्मी सहनी (२८), अनिल प्रसाद साह (३०), मुकेश गुप्ता (४०), जाकिर मिया (३९) रहेका छन् । उनीहरुको साथबाट १ लाख १८ हजार १९० रुपैंया रकम पनि बरामद गरेको छ । पक्राउ परेकालाई एकसेट कौडा सहित जिल्ला प्रहरी कार्यालय पर्साबाट थप अनुसन्धान भैरहेको प्रहरीले जनाएको छ ।
