लोसपा नेता रोजशमान सिंह भन्छन् : आफूखुशी व्याख्या नगरौं
ट्रिब्यून न्युज
वीरगन्ज, २७ माघ । लोकतान्त्रीक समाजवादी पार्टीका नेता राजेशमान सिंहले आफ्नो विषयमा आपूmखुशी व्याख्या नगर्न सरोकारवालाहरुलाई अनुरोध गर्नुभएको छ । हिजो नेकपा एमालेका अध्यक्ष केपी शर्मा ओलीसँगको भेटपछि एमाले पार्टीमा प्रवेश गरेको समाचार आएपछि सामाजिक सञ्जालमा ध्यानकर्षण गराउँदै ओलीसँगको भेटघाट र छलफलको विषयमा आफूले पत्रकार सम्मेलनको आयोजना गरेर जानकारी दिने बताउनु भएको छ ।
उहाँले मुलुकको विकसित राजनितीक परिस्थिति, स्थानीय निर्वाचन र समसामयिक घटनाक्रमको विषयमा पुर्व प्रधानमन्त्री तथा नेकपा एमालेका श्रद्धेय अध्यक्ष केपी शर्मा ओलीसँग उहाँकै निवासमा भेटघाट तथा छलफल गरेको जानकारी दिदै, अध्यक्ष ओलीले राख्नुभएको विचारबाट उत्साहित भएको र उहाँले देखाउनुभएको हार्दिकताको लागि धन्यवाद व्यक्त गर्नुभएको छ ।
छलफलबाट प्राप्त निष्कर्षका बारेमा छिट्टै पत्रकार सम्मेलन मार्फत प्रष्ट पार्ने जानकारी दिने जनाउदै त्यसका लागि धैर्य गर्न र विषयलाई आफुखुसी व्याख्या नगर्न पनि सरोकारवालाहरूमा अनुरोध गर्नुभएको छ । सिंहले हिजो दिउँसो काठमाडौँमा नेकपा एमालेका अध्यक्ष केपी शर्मा ओलीसँग उहाकै निवासमा भेटघाट गरेर एमाले प्रवेश गर्ने प्रतिबद्धता जनाउनु भएको समाचार सञ्चार माध्यमहरुमा आएको थियो ।
