सामुदायिक सेवा केन्द्र आदर्शनगरद्वारा प्रहरी निरीक्षक कार्कीको विदाई
ट्रिब्यून न्युज
वीरगन्ज । ग्रिनसिटी सामुदायिक प्रहरी सेवा केन्द्र आदर्शनगर १० पर्साले ट्राफिक प्रहरी निरीक्षक सुमन कार्कीलाई विदाई गरेको छ ।
जिल्ला ट्राफिक प्रहरी कार्यालय पर्सामा कार्यरत प्रहरी निरीक्षक सुमन कार्की पर्साबाट प्रहरी प्रधान कार्यालय विशेष व्यूरो नक्साल काठमाण्डौमा सरुवा हुनु भएकोले आज विदाई गरेको हो ।
२०७७ मंसिर २६ गते जिल्ला ट्राफिक प्रहरी कार्यालय पर्सामा आउनु भएका प्रहरी निरीक्षक कार्कीको कार्यकाल सफल रहेको र वीरगन्जको ट्राफिक व्यावस्थापनमा महत्वपूर्ण भूमिका निर्वाह गर्नुभएकोले सम्मान सहित विदाई गरेको ग्रिनसिटी सामुदायिक सेवा केन्द्र आदर्शनगरका अध्यक्ष जयप्रकाश खेतानले बताउनुभयो ।
सम्मान सहित विदाई हुनुभएका प्रहरी निरीक्षक सुमन कार्कीले वीरगन्जमा कार्यरत रहँदा वीरगन्वासीको साथ र सहयोग एकदमै अविश्मरणीय रहेको बताउनुभयो । उहाँले वीरगन्जवासीकै साथ, सहयोग र मायाले आफूले काम गर्ने हौसला प्राप्त गरेको र यसले आगामी दिनमा आफ्नो सेवाजीवनमा थप उर्जा प्राप्त भएको बताउनुभयो ।
उहाँले वीरगन्जले दिएको माया आपूm जहाँ रहेपनि सधै सम्झीरहने बताउनुभयो । सामुदायिक सेवा केन्द्रका अध्यक्ष जयप्रकाश खेतानको अध्यक्षतामा भएको कार्यक्रममा प्रहरी निरीक्षक कार्की सहित सामुदायिक सेवा केन्द्र छपकैयाका अध्यक्ष ग्यासुदीन ठकुराइ, ग्रिनसिटी सामुदायिकका उपा–अध्यक्ष संजय शर्मा, कोषाध्यक्ष मुरली जलान लगायतको उपस्थिति रहेको थियो ।
