नेकपा एमालेमा गएको एकमहिना नपुग्दै पुनःजसपामा फिर्ता
ट्रिब्यून न्युज
0
14
वीरगञ्ज, ७ वैशाख । जनता समाजवादी पार्टीबाट नेकपा एमालेमा प्रवेश गरेका दुई जना वडा सदस्य पुनः जसपामै फर्केका छन् । वीरगञ्ज महानगरपालिका वडा नम्बर २ बाट निर्वाचित नगर परिषद् सदस्य मुस्तुफा अन्सारी र वडा नम्बर ५ का नगर परिषद् सदस्य सुरज कुर्मी जसपामै फर्किएका हुन् ।
फिर्ता आएका दुवैलाई जसपाका सांसद प्रदीप यादव र महानगरपालिकाका मेयरका उम्मेदवार राजेशमान सिंहले जसपाको वीरगञ्जस्थित सम्पर्क कार्यालयमा स्वागत गरेका थिए ।
राजेशमान सिंहले केही भ्रममा परेर मुस्तफा र कुर्मीले बाटो विराएको भएपनि फेरी समयमा नै आफ्नो घर चिनेर फर्किएकोमा धन्यवाद दिनुभयो । स्वागत कार्यक्रममा युवा नेता मुकेश द्विवेदी, प्रेमबाबु पटेल लगायत नेता कार्यकर्ताहरुको उपस्थिति रहेको थियो ।
