चोरीको मोटरसाईकल सहित एकजना पक्राउ
ट्रिब्यून न्युज
वीरगन्ज, २८ बैशाख । जिल्ला प्रहरी कार्यालय पर्साले चोरीको मोटरसाईकल सहित एकजनालाई पक्राउ गरेको छ । पक्राउ पर्नेमा वीरगन्ज महानगरपालिका वडा नम्बर ४ का २३ बर्षीय नसिर अन्सारी रहेका छन् । उनले बैशाख २८ गते विहान अन्दाजी १ः१५ बजेको समयमा बीरगञ्ज महानगरपालिका वडा नम्बर ३१ वेल्वा बस्ने सुरेन्द्र यादवको नाममा दर्ता रहेको ना.१९ प. ४०२२ नम्बरको सेतो कालो रंगको सुपर स्पलेण्डर मोटरसाईकल यादवको घर कम्पाउण्डभित्र प्रवेश गरेर फुटाई चोरी गरेको प्रहरीले जनाएको छ ।
घटनाको जानकारी पाएपछि प्रहरी चौकी मिलनचोकबाट खटिएको टोलीले मंबगलबार विहान २ बजेको समयमा सोही वडाको भेडैयाखोलाको पुलमा फेला पारेर मोटरसाईकल सहित नियन्त्रणमा लिएको पर्सा प्रहरीले जनाएको छ । मोटरसाईकल सहित पक्राउ परेका नसिर अन्सारी चोरी सम्बन्धी कसूर मुद्दामा पर्सा जिल्ला अदालतबाट सात दिनको म्याद थप गरी अनुसन्धान प्रकृया अगाडि बढाइएको पर्साका प्रहरी प्रवत्ता प्रहरी नायव उपरीक्षक ओमप्रकाश खनालले जानकारी दिनुभयो ।
