ग्रिनसिटी सामुदायिक सेवा केन्द्रद्वारा प्रजिअ तामाङको विदाई
ट्रिब्यून न्युज
ट्रिब्यून न्युज । ग्रिनसिटी सामुदायिक सेवा केन्द्र आदर्श नगरले पर्साबाट सरुवा हुनु भएका प्रमुख जिल्ला अधिकार आस्मान तामाङलाई आज विदाई गरेको छ । पर्साबाट सरुवा भएर रुपन्देही जान लाग्नुभएका प्रमुख जिल्ला अधिकारी तामाङलाई ग्रिनसिटी सामुदायिक सेवा केन्द्रका पदाधिकारीहरुले आज सम्मान सहित विदाई गरेको हो ।
२०७७ साल साउन २९ गते पर्सामा सरुवा भएर आउनु भएका तामाङको रुपन्देहीमा सरुवा भएको हो । संस्थाका अध्यक्ष प्रकाश खेतानको अध्यक्षतामा भएको कार्यक्रममा सेवा केन्द्रका पदाधिकारीहरुले सम्मान तथा विदाई गरेर आगामी दिनको सफलताको शुभकामना समेत व्यक्त गरे ।
कार्यक्रममा वडा प्रहरी कार्यालय वीर्ताका प्रहरी निरीक्षक राजेशराज पुरी, श्रीपुरका प्रहरी निरीक्षक दिपक साह, वीरगन्ज महानगरपालिकाका सरसफाई शाखाका सरफुद्दिन मियाँ, सामुदायिक सेवा केन्द्र छप्कैयाका अध्यक्ष ग्यासुद्दिन ठकुराई, सचिव अजित कुमार भुजेल, सामाजिक अभियन्ता प्रकाश थारु लगायतको उपस्थिति रहेको थियो ।
