पूर्वप्रधानमन्त्री चन्दलाई पत्नीशोक
ट्रिब्यून न्युज
0
19
वीरगन्ज, ८ असार । पूर्वप्रधानमन्त्री लोकेन्द्र बहादुर चन्दलाई पत्नी शोक परेको छ । उहाँकी धर्मपत्नी दिव्यश्वरी चन्दको ८३ वर्षको उमेरमा निधन भएको छ । स्वर्गीय दिव्यश्वरीको पशुपति आर्यघाटमा शुक्रबार अन्तिम संस्कार गरिने पारिवारिक स्रोतले जनाएको छ ।
चन्द दम्पत्तीको चार छोरा र तीन छोरी छन्। छोराहरू जयन्त चन्द, अरुण चन्द, विनोद चन्द र भुपेन चन्द हुन्। जयन्त चन्द राजनीतिमा छन् र दुई पटक मन्त्री भएका थिए र अहिले राप्रपामा सक्रिय हुनुहुन्छ । अरुण चन्द व्यवसायी हुन्। बिनोद चन्द कम्प्युटर इन्जिनियर हुन्। भुपेन चन्द कलाकार तथा परोपकारी हुन् जो अहिले अमेरिकामा बसोबास गर्छन्।
