कृषि औजार कारखानामा परिवर्तन नेपाल फाउण्डेशनका युवाहरुद्वारा सरसफाई
ट्रिब्यून न्युज
0
24
वीरगन्ज, १६ कार्तिक । वीरगन्जको कृषि औजार कारखाना सञ्चालका लागि सरसफाई शुरु गरिएको छ । कारखाना सञ्चालनको लागि नेपाल सरकार र राष्ट्रिय आविष्कार केन्द्रबीच सम्झौता भएपछि केन्द्रका अध्यक्ष महाविर पुनले सबैपक्षलाई सहयोग गर्न अपिल गर्नुभएको थियो ।
सोही अनुसार वीरगन्जको परिवर्तन नेपाल फाउण्डेशनका युवाहरुले कृषि औजार कारखानमा सरसफाई शुरु गरेका हुन् । फाउण्डेशनका युवाहरुले आज कृषि औजार कारखानामा रहेका सामानहरु व्यवस्थित स्थानमा राख्ने र कारखाना भित्र उम्रिएका झारपातहरु उखेलेर सफा गरेका छन् ।
परिवर्तन नेपाल फाउण्डेशनका युवाहरुले सरसफाई गरेको फोटो राष्ट्रिय आविष्कार केन्द्रका अध्यक्ष डा.महाविर पुनले सामाजिक सञ्जाल फेसबुमा पनि राख्नुभएको छ ।
