विश्व मुटु दिवसको अवसरमा नेपाल मेडिसिटी बयोधा हस्पिटलद्वारा मुट रोग परीक्षण
ट्रिब्यून न्युज
वीरगन्ज, ९ असोज । विश्व मुटु दिवसको अवसरमा नेपाल मेडिसिटी बयोधा अस्पतालद्वारा वीरगन्जमा मुटु रोग परीक्षण गरिएको छ । बीरगंजको घडिअर्वा पोखरीमा आईतबार विहान करिब २ सय ५० जनाको मुटु परीक्षण गरिएको छ । आईतबारदेखि ४ दिन सम्म नेपाल मेडिसिटी बयोधा हस्पिटलले बीरगंजमा निःशुल्क स्वास्थ्य परीक्षण कार्यक्रमको आयोजना गरिएको हो ।
मानवको जीवनशैली, खानपान तथा ब्यस्तताका कारणबाट मुटु सम्बन्धी विभिन्न समस्याहरु बढीरहेकोले आफूले जनचेतना अभिबृद्धिकालागि मुटु परीक्षण गरिरहेको नेपाल मेडिसिटी बयोधा अस्पतालका प्रमुख विजय रिमालले बताउनुभयो । आईतबार अडिअर्वा पोखरी र सोमबारदेखि गहवा माईस्थानमा विहान ६ बजे देखि सर्वसाधारणहरुको मुटुरोग परीक्षण गरिने र कसैलाई मुटुमा समस्या देखिएमा थप उपचारका लागि मुटुरोग विशेषज्ञहरुलाई परामर्श दिने समेत कार्यक्रम रहेको उहांले बताउनु भयो ।
कार्यक्रममा नेपाल मेडिसिटी बयोधा हस्पिटलकी मुटुरोग विशेषज्ञ डा. राधा भट्टराईले यस वर्ष आफूहरुले बीरगंजका सर्वसाधारणहरुको मुटुको अवस्थाका बारेमा जानकारी लिने, बालबालिकाहरुमा देखिने मुटुको बाथरोगको परीक्षण गर्ने, बीरगंजमा मुटु रोगका अवस्थाका बारेमा अध्ययन अनुसन्धान गर्ने लगायतका योजना रहेकोले सबै सर्वसाधारणहरुले मुटु परीक्षण कार्यक्रममा सरिक हुनुपर्ने बताउनु भयो ।
नेपाल मेडिसिटी बयोधा हस्पिटलले आगामी २९ सेप्टेम्बर २०२२ विहान ६ बजे बीरगंजको घन्टाघरदेखि नेपाल मेडिसिटी बयोधा हस्पिटल सम्म म्याराथुन र सोही समयमा घन्टाघरदेखि नारायणी उपक्षेत्रीय अस्पताल सम्म वाकाथनको कार्यक्रम रहेको विश्व मुटु दिवस कार्यक्रमका संयोजक जितेश दासले बताउनु भयो ।
