अनेरास्ववियु (क्रान्तिकारी) पर्साको छैठौं सम्मेलनको तयारी पूरा
बुधबार हुने अधिवशेन केन्द्रीय अध्यक्ष तामाङले उदघाटन गर्ने
ट्रिब्यून न्युज
वीरगन्ज, २९ भदौ । नेकपा माओवादी केन्द्र निकट अखिल क्रान्तिकारी पर्साको छैठौं जिल्ला सम्मेलनको सम्पूर्ण तयारी भएको आयोजकले जनाएको छ ।
वीरगन्ज नगरसभा गृहमा बुधबार हुने सम्मेलनको सम्पूर्ण तयारी पूरा भएको र केन्द्रीय अध्यक्ष रञ्जित तामाङले ११ बजे उदघाटन गर्ने कार्यक्रम रहेको अखिल क्रान्तिकारी जिल्ला संयोजक कविराज पटेलले जानकारी दिनुभयो ।
सम्मेलनले नयाँ नेतृत्व चयन गर्नेछ । कार्यक्रमको अन्तिम तयारीका बैठक मंगलबार नगरसभागृहमा सम्पन्न भएको छ । बैठकले तयारीका लागि जिम्मेवारी पाएका सबैले आ–आफ्नो स्थानबाट महत्वपूर्ण भूमिका निर्वाह गरेकोमा धन्यवाद ज्ञापन गरेको छ ।
अनेरास्ववियु क्रान्तिकारीका जिल्ला संयोजक कविराज पटेलको अध्यक्षतामा बसेको तयारी समितिको अन्तिम बैठकमा नेकपा माओवादी केन्द्रका पर्सा अध्यक्ष विजय महतो, प्रदेश कमिटि अध्यक्ष रामदरश कुश्वाहा, अनेरास्ववियु क्रान्तिकारीका केन्द्रीय सदस्य एवं
प्रदेश सहसंयोजक प्रभाकर गुप्ता, केन्द्रीय सदस्य एवं पर्सा इन्चार्ज जुवैर आलम, स्वयंसेवक संघ प्रदेश २ का संयोजक इश्क कुमार, जिल्ला सहसंयोजक संदीपविक्रम साह, एहसान अन्सारी लगायतको उपस्थिति रहेको थियो ।
