देशभरका रोट्रयाक्ट अध्यक्ष र सचिव हेटौंडामा भेला हुने
ट्रिब्यून न्युज
वीरगन्ज, ३ भदौ । देशभरका रोट्रयाक्ट क्लबका अध्यक्ष र सचिवहरु बाग्मती प्रदेशको राजधानी हेटौंडामा भेला हुने भएका छन् । रोट्रयाक्ट डिष्ट्रिक्ट ३२९२ ले हरेक वर्ष गर्ने अध्यक्ष र सचिवहरुको भेला गर्ने गरे अनुसार यो वर्ष हेटौंडामा भेला हुन लागेको हो।भदौ २५ गते शनिबार एक सय ७६ वटा रोट्रयाक्ट क्लबका अध्यक्ष र सचिवहरुको भेला हुने भएको छ ।
आयोजक रोट्रयाक्ट क्लब अफ हेटौंडा, रोट्रयाक्ट क्लब अफ मकवानपुर र सहआयोजकमा रोट्रयाक्ट डिष्ट्रिक्ट ३२९२को जोन ३, रोट्रयाक्ट क्लब अफ बुटवल साउथ र रोट्रयाक्ट क्लब अफ पोखराको सयुक्त आयोजनामा देशभरीका १७६ वटा क्लबहरुका अध्यक्ष, सचिव र सदस्यहरुको भेला हुनेछन् । रोट्रयाक्ट मकवानपुरका अध्यक्ष प्रदिप कुमार राईले मकवानपुरमा पहिलो पटक देशभरको अध्यक्ष र सचिवहरुको भेला हुन लागेको बताउनुभयो ।
उहाँले देशभरका करिब १ हजार जना भन्दा बढीको सहभागिता रहने भेलाले वर्षभरमा गरिएको कार्यको समिक्षा र भावी कार्ययोजनाको बारेमा बृहत छलफल र निष्कर्ष निकाल्ने बताउनुभयो । भेलामा देशभरको १ सय ७६ रोट्रयाक्ट क्लबका अध्यक्ष र सचिवहरु र भारत लागएत विभिन्न बाहिरी देशहरुका प्रतिनिधिको पनि सहभागिता रहने आयोजकले जनाएको छ। दिनभर चल्ने भेलामा चार घण्टासम्म तालिम सत्र संचालनमा रहने छ भने क्लबका अध्यक्ष र सचिवकोलागि छुटै प्रशिक्षण दिने छ।
