पर्साको पटेर्वासुगौलीमा पाटे बाघ मृत फेला
ट्रिब्यून न्युज
0
151
कृष्णमोहन साह
सेंढवा, ३० असोज । पर्साको पटेर्वासुगौली गाउँपालिका वडा नम्बर ४ बगडाडोबमा पाटे बाघ मृत फेला परेको छ । राष्ट्रिय वनबाट करिब तीनसय मिटर दक्षिण भलुवाही खोला नजिकै मृत बाघ आईतबार फेला परेको हो ।
मृत भेटिएको ९ फिट ४ इन्चको बाघको दुईवटा खुट्टा काटेर लगेको पाईएको डिभिजन वन कार्यालय पर्साले जनाएको छ । तीनचार दिन अघि नै मरेको बाघको मृत शरीरबाट दुर्गन्ध पनि आउन थालेको डिभिजन वन कार्यालयका प्रवक्ता फरमान मियाँले जानकारी दिनुभयो ।
मृत बाघको चितवनबाट आउने प्राविधिक विज्ञहरुको टोलीले पोष्ट मार्टम गरेपछि यकिन कुराको जानकारी हुने डिभिजन वन कार्यालयका प्रमुख सुवासचन्द्र दासले बताउनुभयो दिनुभयो । मृत बाघ अहिले सवडिभिजन वन कार्यालय बषन्तपुरमा राखिएको छ ।
