निर्वाचन लक्षित सामाजिक सञ्जालमा कडा निगरानी

काठमाडौँ । आगामी निर्वाचनलाई लक्षित गर्दै नेपाल प्रहरीले सामाजिक सञ्जालमा कडा निगरानी थालेको छ।

गलत सूचना, चरित्रहत्या र सद्भाव बिगार्ने सामग्री रोक्न साइबर ब्यूरो र विशेष टोली परिचालन गरिएको प्रहरी प्रवक्ता डीएसपी अविनारायण काफ्लेले जानकारी दिनुभयो।

प्रहरीले भ्रामक समाचार, सम्पादित भिडियो–तस्बिर तथा जातीय–धार्मिक विद्वेष फैलाउने सामग्रीमाथि विशेष ध्यान दिइरहेको छ। यस्ता सामग्री लाइक वा सेयर गर्नु पनि अपराध हुन सक्ने भन्दै प्रहरीले सर्वसाधारणलाई सचेत रहन आग्रह गरेको छ।