वीरगन्ज । नेपाल कम्युनिष्ट पार्टी (नेकपा) का सह–संयोजक तथा पूर्वप्रधानमन्त्री माधवकुमार नेपालले पर्सा जिल्लालाई पुनः क्रान्तिकारी लालकिल्लाका रूपमा स्थापित गर्न गाउँ–गाउँ र घर–घर पुगेर जनताको विश्वास जित्न नेता तथा कार्यकर्तालाई निर्देशन दिएका छन्।
पर्सामा आयोजित एकता समायोजना, सपथ ग्रहण तथा प्रशिक्षणलाई सम्बोधन गर्दै अध्यक्ष नेपालले खाली पदमा बस्ने तर काम नगर्ने परिपाटीको अन्त्य हुनुपर्नेमा जोड दिए। उ
नले १ महानगरपालिका, ३ नगरपालिका र १० गाउँपालिकासहित १४ वटै स्थानीय तहका १६७ वटै वडा तथा टोल–टोलमा सक्रिय कमिटी गठन गरी संगठनलाई गतिशील बनाउनुपर्ने बताए।
उनले भने, ूकेन्द्रीय कमिटीका सदस्यहरूदेखि प्रदेश र ७५१ सदस्यीय जिल्ला कमिटीका सदस्यहरू केवल पदमा सीमित हुनु भएन। दलित, मुस्लिम, पछाडि पारिएका समुदाय, किसान र मजदुरका घर–घरमा पुगेर उनीहरूका वास्तविक समस्या बुझ्नुपर्छ।ू
शिक्षा, स्वास्थ्य, रोजगारी, कृषि उत्पादन र मलखादको समस्यालाई मुख्य मुद्दा बनाएर आवाज उठाउन र सरकारलाई नीति तर्जुमा गर्न दबाब दिनुपर्ने अध्यक्ष नेपालको भनाइ थियो।
आगामी निर्वाचनलाई लक्षित गर्दै उनले चुनावका बेला मात्रै टिकटका लागि विवाद नगरी अहिलेदेखि नै जनताको मन जित्न, महिला तथा युवाहरूलाई नेतृत्वमा अगाडि बढाउन र सबैलाई समेटेर अघि बढ्न आह्वान गरे।
पर्साको भौगोलिक र आर्थिक महत्व दर्शाउँदै उनले भारतसँगको मुख्य नाका रहेको यो जिल्ला निजगढ अन्तर्राष्ट्रिय विमानस्थल र काठमाडौँ–निजगढ द्रुतमार्ग ९फास्ट ट्र्याक० निर्माणपछि अझ महत्त्वपूर्ण हुने बताए।
असंभव केही पनि नरहेको उल्लेख गर्दै उनले पार्टीका नीति र विचारलाई आत्मसात गरी अनुशासन र वफादारिताका साथ जनताको सेवामा जुट्न र नयाँ इतिहास रचना गर्न सम्पूर्ण कार्यकर्ता पंक्तिलाई आग्रह गरे।
