अमेरिका । अमेरिकी व्यवसायीहरूले अहिले चरम अनिश्चितता, उच्च ढुवानी लागत र मूल्यवृद्धि जस्ता बहुपक्षीय सङ्कटका कारण कोभिड महामारीको समयभन्दा पनि कठिन व्यापारिक वातावरण सामना गरिरहेका छन्।
इरान युद्ध, ‘सुपर एल निनो’ को प्रभाव, विश्वव्यापी भन्सार शुल्क तथा लाल सागर र सांघाईजस्ता प्रमुख ढुवानी मार्गमा उत्पन्न लगातारको अवरोधले विश्वभरको आपूर्ति शृङ्खला तहसनहस बनाएको छ।
यस विषम परिस्थितिमा एकातिर डिजेल र इन्धनको मूल्यवृद्धिका कारण उत्पादन तथा ढुवानी लागत अप्रत्याशित रूपमा बढेको छ भने अर्कातिर महँगीबाट थिचिएका ग्राहकहरू थप मूल्य स्वीकार्न तयार छैनन्, जसले गर्दा व्यवसायीहरूलाई भविष्यको योजना बनाउन र व्यापार टिकाउन धौधौ परिरहेको छ।
ADVERTISEMENT
