वीरगन्ज । नेपाली कम्युनिस्ट पार्टी (नेकपा) पर्सा जिल्ला पदाधिकारी, केन्द्रीय कमिटी सदस्य तथा प्रदेश कमिटी सदस्यहरूको संयुक्त बैठक सम्पन्न भएको छ।
नेपाली कम्युनिस्ट पार्टी पर्साका संयोजक कमरेड जय प्रकाश थारूको सभापतित्वमा भएको पहिलो संयुक्त बैठकमा पार्टीका केन्द्रीय सदस्य तथा मधेश प्रदेश सह–संयोजक कमरेड अनिल श्रेष्ठ प्रमुख अतिथ्यतामा सम्पन्न भएको हो ।
संयुक्त बैठकमा पार्टीका केन्द्र तथा प्रदेश सदस्यहरुले असोज ११ गते केन्द्रीय संयोजक पुष्पकमल दाहाल प्रचण्ड र सह–संयोजक माधव कुमार नेपालको उपस्थितिमा हुने जिल्ला एकता भेला तथा सपथ ग्रहण कार्यक्रम भव्य बनाउने निर्णय गरेको छ ।
बैठकले ११ गतेको कार्यक्रमलाई लक्षित गरेर गठन गरेको मूल समिति र उपसमितिमा जिम्मेवारी पाएकाहरुलाई सक्रिय रुपमा लाग्न तथा अन्य नेता कार्यकर्ताहरुलाई पनि धेरै भन्दा धेरै सहभागी भएर भव्य बनाउन निर्देशन दिएको केन्द्रीय सदस्य तथा पर्सा जिल्ला इन्चार्ज पी. एल. श्रेष्ठले जानकारी दिए ।
बैठकमा पार्टीको सांगठनिक सुदृढीकरण, पर्सा जिल्लाभर पार्टीको अभियानलाई तीव्रता दिने तथा आगामी कार्ययोजना निर्माणका विषयमा व्यापक छलफल भएको छ।
कार्यक्रमलाई सम्बोधन गर्दै प्रमुख अतिथि अनिल श्रेष्ठले मधेश प्रदेशमा नेपाली कम्युनिस्ट पार्टीलाई थप सुदृढ र जनमुखी बनाउन स्थानीयस्तरदेखि नै एकीकृत रूपमा लाग्नुपर्नेमा जोड दिए ।
बैठकका सभापति एवम् संयोजक जय प्रकाश थारूले उपस्थित सम्पूर्ण नेता तथा कार्यकर्ताहरूलाई धन्यवाद ज्ञापन गर्दै पर्सामा पार्टी संगठनलाई नयाँ उचाइमा पुर्याउने प्रतिबद्धता व्यक्त गरे ।
सह–संयोजक गंगा खड्काले सञ्चालन गरेको कार्यक्रममा केन्द्रीय सदस्य हिम कुमारी भट्टराई (हिरा)ले स्वागत मन्तव्य व्यक्त गरेकी थिईन् ।
कार्यक्रममा केन्द्रीय सदस्य तथा सह–इञ्चार्ज मनोज चौधरी, सह–संयोजक बाबुराम कौशिक, केन्द्रीय सदस्यहरु विरेन्द्र यादव र विपीन यादवले पनि आ–आफ्ना धारणा राखेका थिए ।
