काठमाडौँ । रसुवाको भोटेकोशी नदीमा आएको भीषण बाढीका कारण पुगेको क्षति, खोजी तथा उद्धार कार्यसम्बन्धी पछिल्लो विवरण नेपाल प्रहरीले सार्वजनिक गरेको छ।
भदौ १३ गते शनिबार बिहान ०७ः०० बजेसम्मको अद्यावधिक तथ्याङ्कअनुसार बाढी र पहिरोका कारण ज्यान गुमाएका ६१६ जनाको शव फेला परेको छ।
उद्धार तथा खोजी कार्यका लागि प्रभावित क्षेत्रमा ४ हजार ८११ जना प्रहरी कर्मचारी परिचालन गरिएको छ। घटनामा हालसम्म २७ जना प्रहरी कर्मचारीहरू नै सम्पर्कविहीन रहेका छन्।
नेपाल प्रहरीका अनुसार बाढी प्रभावित क्षेत्रहरूबाट कुल २ हजार ३०१ जना घाइते तथा जोखिममा परेका नागरिकहरूको सफल उद्धार गरिएको छ।
विभिन्न जिल्लाहरूबाट फेला परेका शवको विवरण:
-
नुवाकोट: १६२२
-
रसुवा: ६७६
-
चितवन: २३३
-
नवलपरासी (पूर्व): १५८
-
गोरखा: ४८
-
नवलपरासी (पश्चिम): ४७
-
तनहुँ: ३१
-
धादिङ: ४५
उद्धार गरिएका घाइतेहरूको जिल्लागत अवस्था:
-
नुवाकोट: ४१ जना
-
रसुवा: १३ जना
-
धादिङ: ३ जना
बाढीमा परी घाइते भएकामध्ये काठमाडौँ उपत्यकाका विभिन्न अस्पतालहरूमा उपचाररत तथा उपचारपछि डिस्चार्ज भइसकेका घाइतेहरूको सङ्ख्या १४० पुगेको प्रहरीले जनाएको छ।
बाढी प्रभावित तटीय क्षेत्रहरूमा सुरक्षा निकायहरूले उद्धार, खोजी र राहत वितरण कार्यलाई निरन्तरता दिइरहेका छन्।
