वीरगन्ज । वीरगन्ज १३ राधेमाईमा रहेको साउथजोन माध्यामिक विद्यालयका नवनिर्वाचित विद्यार्थी कल्याण परिषदका पदाधिकारीहरुको सपथ ग्रहण तथा पुरस्कार वितरण कार्यक्रम सम्पन्न भएको छ ।
मंगलबार विद्यालय परिसरमा आयोजना गरिएको सपथ ग्रहण तथा पुरस्कार वितरण समारोहमा प्रमुख अतिथि वीरगन्ज महानगरपालिकाको शैक्षिक प्रशासन महाशाखा प्रमुख आनन्द लामिछानेले विद्यार्थी कल्याण परिषदमा निर्वाचित हेड ब्वाय, हेड गर्ल, क्याप्टेन र प्रिफेटहरुलाई पथ तथा गोपनीयताको सपथ ग्रहण गराए ।
विद्यार्थी कल्याण परिषदको निर्वाचन विद्यालयमै अध्ययनरत दुईजना विद्यार्थीहरुले निर्माण गरेको विद्युतीय मतदान मेशिन मार्फत मतदान गरिएकोले पनि नमूना मतदान भएको विद्यालयका संस्थापक प्रधानाध्यापक सरोज चौधरीले बताए ।
प्रधानाध्यापक चौधरीकै अध्यक्षतामा भएको कार्यक्रममा प्रमुख अतिथि लामिछाने, प्याब्सनका बरिष्ठ सल्लाहाकार प्रकाश उपाध्याय, प्याब्सनका केन्द्रीय सदस्य छुडुप लामा लगायतले शुभकामना व्यक्त गरेका थिए ।
साथै विद्यालयमा अध्ययरनत विद्यार्थीहरु मध्य गत शैक्षिक सत्रमा प्रथम, द्वितीय र तृतीय हुने विद्यार्थीहरुलाई पुरस्कार समेत वितरण गरिएको थियो ।
कार्यक्रममा वडा नम्बर १३ का वडा अध्यक्ष हिरा गिरी, प्रेस सेन्टर नेपाल मधेस प्रदेशका अध्यक्ष नीरज पिठाकोटे, समाजवादी प्रेस संगठन मधेस प्रदेशका अध्यक्ष मनोज पटेल, प्याब्सनका मधेस प्रदेश उपाध्यक्ष इमामुद्दीन अहमद, पर्साका बरिष्ठ उपाध्क्षय सुशीला साह,
महानगर अध्यक्ष राहुल श्रीवास्तव, सचिव अमित आलोक, विभिन्न सञ्चार माध्यमका सञ्चारकर्मीहरुको उपस्थिति रहेको थियो । कार्यक्रमको सहजीकरण विद्यालयका सहायक प्रिन्सिपल अशोक संग्रौलाले गरेका थिए ।
