वीरगन्ज । बालबालिका तथा महिलाहरुलाई लक्षित गरेर ‘बेबी एन्ड ममा’ नामक नयाँ शप शुक्रबारदेखि सञ्चालनमा आएको छ।
वीरगञ्जको घण्टाघर नजिकै आर्मी ब्यारेक छेउमा रहेको व्यापारिक कम्प्लेक्समा सञ्चालनमा आएको पसलको वीरगञ्ज महानगरपालिकाका पूर्व नगरप्रमुख विजय कुमार सरावगीले उद्घाटन गरेका हुन् ।
अखिल क्रान्तिकारी केन्द्रीय सचिवालय सदस्य समेत रहेकी विद्यार्थी नेतृ ज्योति सोहनीले सञ्चालनमा ल्याएको उक्त फेन्सी पसलमा युवती र बालबालिकाका लागि उच्च गुणस्तरीय कपडाहरू उचित मूल्यमा उपलब्ध हुने जनाएको छ ।
स्थानीय ग्राहकहरूलाई एउटै छानामुनि गुणस्तरीय र सहज सेवा प्रदान गर्ने उद्देश्यले व्यवसाय सुरु गरिएको सञ्चालक सोहनीले बताईन् । उद्घाटनका क्रममा पूर्व मेयर विजय कुमार सरावगीले आजका युवाहरुले व्यावसायमा प्रवेश गर्नु सराहनीय रहेको भन्दै यसले स्वरोजगार बनाउने र आर्थिक कारोबारमा समेत महिलाको सहभागितालाई सुनिश्चित गर्न सहयोग गर्ने धारणा व्यक्त गरे ।
कार्यक्रममा नेपाली कम्युनिष्ट पार्टीका मधेस प्रदेश समिति सदस्य प्रभाकर गुप्ता, प्रेस सेन्टर नेपाल मधेस प्रदेश अध्यक्ष निरज पिठाकोटे मगर, युवा विद्यार्थी नेताहरु कविराज पटेल, अनिश पटेल लगायत स्थानीय व्यवसायी तथा विभिन्न क्षेत्रका व्यक्तिहरूको उपस्थिति रहेको थियो। कार्यक्रमका सहभागीहरूले नयाँ व्यावसायिक पहलताको प्रशंसा गर्दै सफलताको शुभकामना व्यक्त गरेका थिए ।
