काठमाडौँ। गत भदौ १० गते रसुवाको भोटेकोशी नदीमा आएको विनाशकारी बाढीपछि राहत तथा उद्धार कार्यका लागि आह्वान गरिएको प्रधानमन्त्री राहत कोषमा ठूलो रकम सङ्कलन भएको छ।
हाल उक्त कोषमा कुल १५ अर्ब ५३ करोड २४ लाख ४२ हजार ९२६ रुपैयाँ मौज्दात रहेको छ। प्राप्त विवरण अनुसार कोषमा जम्मा भएको रकममध्ये देशका ९ वटा वाणिज्य बैंकहरूमा रहेका खाताहरूमा ११ अर्ब ६३ करोड ८० लाख ९८ हजार २९१ रुपैयाँ मौज्दात छ।
यसका साथै दुई वटा वाणिज्य बैंकमा सञ्चालित वैदेशिक मुद्रा खातामा २५ करोड ४ लाख ७१ हजार ५४६ अमेरिकी डलरसमेत जम्मा रहेको छ।
यसैबीच, बाढी प्रभावित क्षेत्रमा तीव्र रूपमा राहत तथा उद्धार कार्य अघि बढाउन कोषबाट १ अर्ब रुपैयाँ राष्ट्रिय विपद् जोखिम न्यूनीकरण तथा व्यवस्थापन प्राधिकरणमा निकासा भइसकेको छ।
सरकारले बाढीपीडितको उद्धार, राहत, र पुनःस्थापनाका लागि कोषमा उपलब्ध रकम आवश्यकता अनुसार परिचालन गर्दै जाने जनाएको छ।
