वीरगञ्ज । जिल्ला पर्साको वीरगञ्ज महानगरपालिका–१५ स्थित बास्तूबिहार चोक क्षेत्रबाट सशस्त्र प्रहरीले दुई थान कटुवा पेस्तोल, दुई थान सिक्सर पेस्तोल र ६ थान गोलीसहित एउटा बेवारिसे कार नियन्त्रणमा लिएको छ।
सशस्त्र प्रहरी बल, नेपाल इन्टेलिजेन्स ब्युरोबाट प्राप्त विशेष सूचनाका आधारमा सशस्त्र प्रहरी बल, नेपाल नं। १३ गण हेडक्वार्टर पर्साबाट खटिएको गाडी मोबाइल टोलीले रोकिराखेको अवस्थामा युपी १६ एजी ३३०१ नम्बरको भारतीय कार चेकजाँच गरेको थियो।
चेकजाँचका क्रममा कारभित्र बोरामा लुकाई राखिएको अवस्थामा दुई थान कटुवा पेस्तोल, दुई थान सिक्सर पेस्तोल र ती हतियारमा प्रयोग हुने ७।६२ एमएमका ६ थान गोली फेला परेको सशस्त्र प्रहरी बल नेपाल नम्बर १३ हेडक्वाटर पर्साका प्रहरी प्रवक्ता प्रहरी नायव उपरीक्षक प्रकाश भट्टले जानकारी दिए ।
सशस्त्र प्रहरी नायव उपरीक्षक तथा सूचना अधिकारी भट्टका अनुसार बरामद गरिएका हातहतियार, गोली र कारलाई आवश्यक अनुसन्धान तथा कानूनी कारबाहीका लागि जिल्ला प्रहरी कार्यालय पर्सामा बुझाइएको छ।
