बारा । मधेश प्रदेश अन्तर्गत बारामा अपाङ्गता भएका महिला बारा । मधेश प्रदेश अन्तर्गत बारामा अपाङ्गता भएका महिला तथा किशोरीहरूको अधिकार, न्यायमा पहुँच तथा हिंसा रोकथामलाई केन्द्रमा राख्दै दुईदिने क्षमता अभिवृद्धि तालिम सम्पन्न भएको छ।
तथा किशोरीहरूको अधिकार, न्यायमा पहुँच तथा हिंसा रोकथामलाई केन्द्रमा राख्दै दुईदिने क्षमता अभिवृद्धि तालिम सम्पन्न भएको छ।
सीबीएम ग्लोबल तथा नेपाल अपाङ्ग महिला संघको सहकार्यमा सञ्चालित IGNITE परियोजना अन्तर्गत आयोजित उक्त तालिम सञ्चालन गरिएको हो।
बिहीबार र शुक्रबार कलैयास्थित होटल करनराज प्यालेसमा सम्पन्न तालिममा कलैया उपमहानगरपालिका, जीतपुरसिमरा उपमहानगरपालिका, महागढीमाई नगरपालिका तथा सिम्रौनगढ नगरपालिकामा गठित पालिका स्तरीय हिंसा प्रतिकार्य समूह (VRG) तथा जिल्ला सुरक्षा रक्षक सञ्जाल बारा का गरी ३० जना प्रतिनिधिहरूको सहभागिता रहेको आयोजकले जनाएको छ।
तालिममा अपाङ्गताको परिभाषा, प्रकार, अपाङ्गता भएका व्यक्तिहरूका अधिकार, समावेशीकरण, लैङ्गिक हिंसा, न्यायमा पहुँच तथा अपाङ्गता भएका महिला र किशोरीहरूले भोग्ने विभिन्न प्रकारका हिंसा र विभेदका विषयमा विस्तृत सहजीकरण गरिएको थियो।
सहभागीहरूलाई समुदायस्तरमा अपाङ्गता अधिकारको प्रवर्द्धन, समान तथा अर्थपूर्ण सहभागिता सुनिश्चितसु गर्ने, साथै हिंसा, भेदभाव र हानिकारक अभ्यासविरुद्ध सचेतना अभिवृद्धि गर्ने विषयमा अभिमुखीकरण गरिएको थियो।
तालिममा सहभागी पालिका स्तरीय हिंसा प्रतिकार्य समूह (VRG) तथा जिल्ला सुरक्षा रक्षक सञ्जालका सदस्यहरूले आफ्नो समुदायमा अपाङ्गता भएका महिला तथा किशोरीहरूको अधिकार सुनिश्चित गर्न, हिंसा तथा विभेदविरुद्ध निरन्तर जनचेतनामूलक अभियान सञ्चालन गर्न , आवश्यक सहजीकरण र पैरवीलाई प्रभावकारी बनाउने प्रतिबद्धता व्यक्त गरेका छन्।
IGNITE परियोजनामार्फत अपाङ्गता भएका महिला तथा किशोरीहरूको अधिकार संरक्षण, न्यायमा पहुँच अभिवृद्धि तथा समावेशी वातावरण निर्माणका लागि विभिन्न स्थानीय तहमा क्षमता विकास र सञ्जाल सुदृढीकरणका कार्यक्रम सञ्चालन हुँदै आएका छन्।
