वीरगन्ज । पर्सा जिल्ला अदालतबाट विभिन्न मितिमा भएका फैसला कार्यान्वयन गर्ने सिलसिलामा प्रहरीले ३२ जना फरार प्रतिवादीहरूलाई पक्राउ गरेको छ।
जिल्ला प्रहरी कार्यालय पर्सा तथा मातहतका कार्यालयबाट खटिएको कैद असुल तथा फैसला कार्यान्वयन विशेष टोलीले जेठ २९ गते उनीहरूलाई नियन्त्रणमा लिएको हो।
पक्राउ पर्नेहरूमा जालसाजी, कुटपिट, लुटपिट, बैंकिङ कसुर, र चेक अनादर लगायतका मुद्दामा जरिवाना तोकिएका व्यक्तिहरू रहेका छन्।
प्रहरीले पक्राउ परेका सबै ३२ जना प्रतिवादीहरूलाई आवश्यक कारबाहीका लागि पर्सा जिल्ला अदालतमा दाखिला गरिसकेको जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक हरि बहादुर बस्नेतले जानकारी दिए ।
प्रहरीका अनुसार पक्राउ परेकाहरूमा वीरगन्ज महानगरपालिका–८ का मोहन प्रसाद कलवार (जालसाझी), वीरगन्ज–१६ का बसुदिन अंसारी (हानि नोक्सानी), नवि उल्लाह अंसारी (जालसाझी), मोसलम खातुन (जालसाझी) र नौसाद अंसारी (जालसाझी) रहेका छन्।
त्यस्तै वीरगन्ज–१८ का लिलावति देवी (सम्बन्ध विच्छेद), वीरगन्ज–१९ का जमिला खातुन तेलिन (सम्बन्ध विच्छेद), वीरगन्ज–३ का सहनाज खातुन (नाता कायम) र वीरगन्ज–२० का रमेश महरा (लेनदेन बिगो) लाई पनि प्रहरीले नियन्त्रणमा लिएको छ।
त्यसैगरी साविकका विभिन्न गाविस तथा हालका गाउँपालिका र नगरपालिका क्षेत्रबाट पक्राउ पर्नेहरूमा राम हजरा दुसाद (कुटपिट), जगदिश राउत अहिर (कुटपिट र लुटपिट), चोकट साह तेलि (लुटपिट), सैनुल चुहारीन (जालसाझी), तिलक पंडित कुम्हार (जालसाझी), लक्ष्मी साह कानु (लुटपिट), र कालिका सिंह राजपूत (गैरकानुनी साधारण सभाको कारबाही) रहेका छन्।
फरार सूचीमा रहेका पुष्पराज कोईराला ९जालसाझी०, सिमारेखा देवी बरैनि (करकाप), रामानन्द प्रसाद चौरसिया (जालसाझी), मन्तुल्ला अंसारी (जालसाझी), गगनदेव मुखिया बिन (जालसाझी), रामजि साह रौनियार (जालसाझी), ज्ञानी देवी अहिरिन (सम्बन्ध विच्छेद), बसमति देवि मलाहिन (जालसाझी), सुनिता देवी भन्ने अनिता देवी तेलिन (जालसाझी), भरत हजरा (जालसाझी), जवाहिर खवास (जालसाझी), र दुर्गा साह गोढ (लुटपिट) लाई पनि प्रहरी टोलीले पक्राउ गरेको हो।
यसका साथै बैंकिङ कसुर तथा आर्थिक विगो सम्बन्धी मुद्दाका जिराभवानी गाउँपालिका–३ का पारसनाथ प्रसाद दास (बैंकिङ कसुर), बारा फेटा गाउँपालिका–४ का बिरेन्द्र प्रसाद यादव (चेक अनादर), जगरनाथपुर गाउँपालिका–५ का नयनबती देवी (चेक अनादर), र बिन्दवासनी गाउँपालिका–३ का जितेन्द्र कुमार चौरसिया (चेक अनादर) लाई समेत पक्राउ गरी अदालतमा बुझाइएको जिल्ला प्रहरी कार्यालय पर्साले जनाएको छ।
