फागुन २१, काठमाडौं । प्रतिनिधि सभा निर्वाचनका लागि आज देशभर मतदान भइरहेको छ । यसै क्रममा अन्तरिम सरकारकी प्रधानमन्त्री सुशीला कार्कीले काठमाडौंको धापासीस्थित धापासी निमावि, फैमालचुली केन्द्रमा पुगेर आफ्नो मताधिकार प्रयोग गरेकी छन् ।
गत भदौको जनआन्दोलन (Gen Z Movement) पछि मुलुकलाई निर्वाचनको चरणसम्म पुर्याउन मुख्य भूमिका खेलेकी प्रधानमन्त्री कार्कीले मतदानपछि सामाजिक सञ्जाल फेसबुकमार्फत सबै नागरिकलाई मतदानमा सहभागी हुन आह्वान गरेकी छन् ।
उनले लेखेकी छन्— “आज फागुन २१, अनिवार्य रूपमा मतदान केन्द्र पुगी आफ्नो अमूल्य मताधिकार प्रयोग गर्न हार्दिक आग्रह गर्दछु । तपाईंको प्रत्येक मत हाम्रो भविष्य निर्धारणका लागि महत्त्वपूर्ण छ ।”
प्रधानमन्त्री कार्कीले शान्तिपूर्ण निर्वाचनका लागि नागरिकहरूले देखाएको संयम र समझदारीप्रति आभार समेत प्रकट गरेकी छन् । आजको निर्वाचनमा झापा-५ मा केपी शर्मा ओली र बालेन्द्र शाह (बालेन) बीचको कडा प्रतिस्पर्धालाई विशेष चासोका साथ हेरिएको छ ।
