काठमाडौं । तत्कालीन नेपाल कम्युनिस्ट पार्टी (माओवादी)ले २०५२ फागुन १ गते सुरु गरेको सशस्त्र जनयुद्धले आज ३० वर्ष पूरा गरेको छ। सो अवसरमा पूर्व कमाण्डर तथा नेकपा संयोजक पुष्पकमल दाहाल ‘प्रचण्ड’ युद्धको उद्गमस्थल मानिने रुकुम पूर्व पुगेका छन्।
आगामी फागुन २१ गते हुने प्रतिनिधिसभा सदस्य निर्वाचनका उम्मेदवारसमेत रहेका प्रचण्डले भूमे गाउँपालिका–२ खाबाङ बगरमा आयोजित कार्यक्रममा २५२ शहीद परिवारलाई सम्मान गर्ने कार्यक्रम छ। उनले जनयुद्धका घाइते, अपाङ्ग तथा बेपत्ता परिवारसँग भेटघाट गर्नेछन्।
रुकुम पूर्व माओवादी आन्दोलनका महत्वपूर्ण राजनीतिक निर्णयहरूको केन्द्र मानिन्छ। चुनवाङ बैठकबाट शान्तिपूर्ण राजनीतिको कार्यदिशा तय भएको थियो भने २०६३ मंसिर ५ मा भएको विस्तृत शान्ति सम्झौतापछि सशस्त्र युद्ध औपचारिक रूपमा अन्त्य भएको थियो।
जनयुद्धको ३०औं वर्षगाँठसँगै सुरु भएको प्रचण्डको यो भ्रमणलाई निर्वाचन केन्द्रित रणनीतिका रूपमा पनि हेरिएको छ।
