आज उम्मेदवारको नाम फिर्ता र अन्तिम नामावली प्रकाशन

काठमाडौं । प्रतिनिधिसभा सदस्य निर्वाचनका लागि उम्मेदवारी दिएका उम्मेदवारले आज दिउँसो १ बजेसम्म नाम फिर्ता लिन सक्नेछन्। निर्वाचन आयोगको कार्यतालिकाअनुसार दिउँसो १ देखि ३ बजेसम्म उम्मेदवारको अन्तिम नामावली प्रकाशन हुनेछ भने अपराह्न ४ देखि साँझ ७ बजेसम्म निर्वाचन चिह्न प्रदान गरिनेछ।

देशभरका १६५ निर्वाचन क्षेत्रमा कुल ३ हजार ४८६ उम्मेदवारी दर्ता भएका छन्। तीमध्ये ३ हजार ८९ पुरुष, ३९६ महिला र अन्य एक जना रहेका छन्। प्रतिनिधिसभा निर्वाचन आगामी फागुन २१ गते हुँदैछ।