काठमाडौं । नेपालको प्रजातान्त्रिक आन्दोलनका योद्धा तथा नेपाल पत्रकार महासंघका पूर्वसभापति होमनाथ दाहालको गएराति निधन भएको छ । ८४ वर्षीय दाहाल हृदयाघात भएपछि उपचारका क्रममा वीर अस्पतालमा निधन भएको पारिवारिक स्रोतले जनाएको छ ।
केही समयदेखि घुँडासम्बन्धी समस्याका कारण अस्वस्थ भई मैतीदेवीस्थित आफ्नै निवासमा उपचाररत दाहाल पूर्वकृषि, सहकारी तथा गरिबी निवारणमन्त्रीसमेत हुन् । ओखलढुंगामा जन्मिएका उनी नेपाली कांग्रेसको मुखपत्र राष्ट्रपुकार साप्ताहिकका सम्पादक थिए ।
उनको पार्थिव शरीर आजै पशुपति आर्यघाटमा दाहसंस्कार गरिनेछ । उनका श्रीमती र दुई छोरा छन् । रासस
ADVERTISEMENT
