काठमाडौँ । राष्ट्रिय स्वतन्त्र पार्टी (रास्वपा) र काठमाडौँ महानगरका मेयर बालेन शाहबीच एकताको सहमति भएपछि समानुपातिकतर्फको उम्मेदवार सूची तयारी सुरु भएको छ। आइतबार बिहान रास्वपा सभापति रवि लामिछाने र बालेनबीच सहमति अनुसार रवि पार्टी सभापति र बालेन प्रधानमन्त्री तथा संसदीय दलका नेता रहनेछन्।
निर्वाचन आयोगले समानुपातिकका लागि ११० जनाको सूची बुझाउने समयसीमा भोलिसम्म तोकेको छ। बालेन पक्षले ७०–८० जनाको नाम प्रस्ताव गर्ने तयारी गरेको छ। दुवै पक्षबाट आएका नामहरू योग्यता, क्षमता र क्लस्टरका आधारमा रवि र बालेनले संयुक्त रूपमा टुंग्याउनेछन्।
ADVERTISEMENT
अन्तिम सूचीमा युवा पुस्ता (जेनजी) र अनुभवी व्यक्तिको सन्तुलन मिलाइने बताइएको छ। बालेन पक्षले ४०–५५ जना, अनुकूल अवस्थामा ५५–६० जनासम्म आफ्नो पक्षका नाम पर्न सक्ने विश्वास व्यक्त गरेको छ।
