जनकपुरधाम । मधेश प्रदेशसभाका नवनियुक्त सभामुख रामअशीष यादवले सोमबार पदभार ग्रहण गर्नुभएको छ। जनकपुरधामस्थित प्रदेशसभा सचिवालयमा कार्यभार सम्हाल्दै उहाँले आफू अब कुनै दलको नभई सदनको साझा अभिभावक र निष्पक्ष सहजकर्ताका रूपमा प्रस्तुत हुने प्रतिबद्धता जनाउनुभयो।
पदभार ग्रहणपछि सञ्चारकर्मीहरूसँग कुरा गर्दै सभामुख यादवले संसदीय गरिमालाई उच्च राख्न आफू सदैव तटस्थ रहने र दलहरूबीचको मतभेदलाई संवादका माध्यमबाट समाधान गर्ने बताउनुभयो।
ADVERTISEMENT
उहाँले सुशासन, शिक्षा, स्वास्थ्य र रोजगारीका विषयलाई संसदीय कार्यसूचीमा प्राथमिकता दिने तथा कार्यपालिकामाथि प्रभावकारी निगरानी राख्ने कार्ययोजना सार्वजनिक गर्नुभएको छ। साथै, संसदीय समितिहरूलाई गतिशील बनाउँदै प्रदेशसभालाई जनताको वास्तविक आवाज बोल्ने थलोको रूपमा स्थापित गर्ने अठोट समेत व्यक्त गर्नुभयो।
