काठमाडौं । क्युरेक्स फर्मास्युटिकल्स प्रालिले उत्पादन गरेको एउटा औषधि फिर्ता गर्न निर्देशन दिएको छ । स्वास्थ्य तथा जनसंख्या मन्त्रालयअन्तर्गतको औषधि व्यवस्था विभागले न्यून गुणस्तर पाइएको एउटा औषधि बजारबाट तत्काल फिर्ता (Recall) गर्न निर्देशन दिएको हो।
विभागले काभ्रेको बनेपा स्थित क्युरेक्स फर्मास्युटिकल्स प्रालिले उत्पादन गरेको पारासिटामोल आईपी ५०० एमजीको (रेक्जामोल) बजारबाट तत्काल फिर्ता गर्न निर्देशन दिएको छ ।
विभागका अनुसार ब्याच नम्बर टिआरएक्स–६९५, उत्पादन मिति नोभेम्बर २५ र म्याद सकिने अवधि अक्टुबर २६ सम्म उल्लेख गरिएको औषधि राष्ट्रिय प्रयोगशालामा गरिएको परीक्षणमा डिजोल्युसन टेष्ट प्रिफम्र्ड २०२२ मापदण्ड अनुसार नभएको पाईएकोले न्यून गुणस्तर देखिएको विभागले पुष्टि गरेको छ ।
औषधि ऐन, २०३५ को दफा १४ बमोजिम २०८२/०८ र १० गते प्रकाशित गरिएको सूचनामा औषधि फिर्ता (रिकल) गर्न निर्देशन गरिएको छ । विभागले सम्बन्धित उद्योग तथा तिनका प्रतिनिधिहरूलाई उक्त ब्याच नं. का सबै औषधिहरू बजारबाट तुरुन्त फिर्ता गर्न र सोको सम्पूर्ण विवरण विभागमा पेश गर्न कडाइका साथ निर्देशन दिएको छ।
विभागले सर्वसाधारण तथा स्वास्थ्यकर्मी सबैलाई उक्त ब्याच नं. उल्लेख भएको औषधिको सिफारिस, बिक्री वितरण तथा प्रयोग समेत नगर्न र नगराउन पनि विशेष अनुरोध गरेको छ।
