नयाँ दिल्ली । भारतका विभिन्न राज्यहरूमा आतंककारी गतिविधिमा संलग्न भएको आरोपमा पछिल्ला चार दिनभित्र चार जना चिकित्सक र उनीहरूका सहयोगीहरू पक्राउ परेपछि भारतीय सुरक्षा निकायहरूमा ठूलो हल्चली मच्चिएको छ।
यस घटनालाई भारतीय अधिकारीहरूले ‘सेतो कॉलर आतंक’ अर्थात् शिक्षित र व्यावसायिक वर्गभित्र लुकेको नयाँ र गम्भीर खतराको रूपमा व्याख्या गरेका छन्।
जम्मू–कश्मीर, हरियाणा, उत्तर प्रदेश र गुजरातमा गरिएको समन्वित कारबाहीका क्रममा यी चिकित्सकहरूलाई पक्राउ गरिएको हो। उनीहरू विदेशी आतंकवादी संगठनहरूको निर्देशनमा सक्रिय रहेको सुरक्षा स्रोतले जनाएको छ।
पक्राउ परेका समूहबाट विस्फोटक पदार्थ र हतियारको ठूलो जखीरा बरामद भएको छ । २९ सय किलोभन्दा बढी अमोनियम नाइट्रेट, राइफल, पिस्तोल, बम बनाउने उपकरण र अन्य आपत्तिजनक सामग्री बरामद भएको भारतीय सुरक्षा अधिकारीहरुले जनाएका छन ।
गुजरातमा पक्राउ परेका डा.अहमद मोहियुद्दिन सैयदले ‘राइसिन’ नामक अत्यन्तै घातक विष तयार गरेको र दिल्ली तथा अहमदाबादका भीडभाडयुक्त स्थानहरूमा आक्रमण गर्ने योजना बनाएको आरोप छ।
विदेशी आतंकवादी संगठनसँग सम्बन्धस् पक्राउ परेका केही चिकित्सकहरू जैश–ए–मोहम्मद र अन्सार गजवत–उल–हिन्द जस्ता विदेशी आतंकवादी संगठनहरूसँग सम्बन्धित रहेको आशंका गरिएको छ।
पक्राउ परेका मुख्य व्यक्तिहरू:
| व्यक्ति | स्थान/राज्य | मुख्य आरोप/बरामदगी |
| डा. अदिल अहमद रदर | सहारनपुर, उत्तर प्रदेश | व्यक्तिगत लककरबाट AK–47 बरामद। जैश–ए–मोहम्मद र अन्सार गजवत–उल–हिन्दसँग सम्बन्धित आशंका। |
| डा. मुजम्मिल शाकिल | हरियाणा | २९ सय किलो अमोनियम नाइट्रेट, राइफल, पिस्तोल र हतियारहरू बरामद। अल फलाह विश्वविद्यालयमा कार्यरत। |
| डा. शाहिन शाहिद | फरीदाबाद | डा. मुजम्मिलसँग सहकार्य गरी हतियार ढुवानीमा संलग्न रहेको प्रारम्भिक अनुसन्धान। |
| डा. अहमद मोहियुद्दिन सैयद | गुजरात | ‘राइसिन’ नामक घातक विष तयार गरेको र भीडभाडयुक्त स्थानहरूमा आक्रमणको योजना बनाएको आरोप।
|
