जनकपुरधाम। नेपाल कम्युनिष्ट पार्टी (माओवादी केन्द्र) को मधेस प्रदेश संसदीय दलमा नयाँ नेता चयनको प्रक्रिया अगाडि बढेको छ।
पार्टीको महाधिवेशन आयोजक समितिका संयोजक पुष्पकमल दाहाल प्रचण्डले मधेस प्रदेशसभाका सभामुखलाई पत्र लेख्दै प्रदेशसभा सदस्य भरत साहलाई संसदीय दलको नेतामा पुर्नस्थापित गराउने निर्णय भएको पत्र सहित संसदीय दलको नेता बनाउन पत्राचार गरेको छ ।
नेकपा (माओवादी केन्द्र) मधेस प्रदेश इञ्चार्जलाई समेत बोधार्थ गरि सोमबार पठाएको पत्रमा प्रचण्डले साहलाई संसदीय दलको नेतामा पुर्नस्थापित गराउन भनेको हो । यसअघि पनि दलको नेता रेका भरतप्रसाद साहले पार्टी अध्यक्ष पुष्पकमल दाहाल ‘प्रचण्ड’ लाई भेटेर राजीनामा दिएका थिए।
सो राजीनामा पछि मधेस प्रदेश संसदीय दलको नेताको पद रिक्त भएको थियो। अर्का प्रदेशसभा सदस्य युवराज भट्टराई ‘समिर’ लाई संसदीय दलको नेताको जिम्मेवारी दिईएको थियो ।
नयाँ नेताको चयनसँगै अब मधेस प्रदेशमा माओवादी केन्द्रको संसदीय नेतृत्व परिवर्तन भएको छ। संसदीय दलको नेताको अन्योलताकै कारणले अहिले लोसपाका जितेन्द्र सोनलको नेतृत्वमा रहेको मधेस प्रदेश सरकारलाई समर्थन गरेपनि सरकारमा सहभागी भने भएको थिएन ।
संसदीय दलको नेताको निर्णयसँगै अब मधेस प्रदेश सरकारमा माओवादी सहभागी हुने बाटो खुलेको छ । यद्यपि जितेन्द्र सोनलले प्रदेशसभामा विश्वास मत लिन बाँकी नै छ । उनले असोज २२ गते विश्वासको मत लिने तय गरेका छन् ।
