वीरगन्ज । शैक्षिक उत्कृष्टताको ४९ वर्ष मनाउँदै गरेको वीरगञ्जको प्रतिष्ठित विद्यालय गौतम स्कुलले संस्थामा नयाँ नेतृत्व टोलीको घोषणा गरेको छ । यो घोषणा विद्यालयको समृद्ध विरासतलाई अगाडि बढाउन र भविष्यका पुस्तालाई प्रेरित गर्न तयार रहेका दूरदर्शी शिक्षकहरूको समर्पणलाई झल्काउँछ ।
विद्यालयका संस्थापक प्रधानाध्यापक उर्मिला लामा र संस्थापक निर्देशक निमा लामाले गणेश क्षेत्रीलाई विद्यालयको नयाँ प्रधानाध्यापकको रूपमा नियुक्त गरेका छन् । क्षेत्री एक अनुभवी शिक्षक रहेको र उनको नेतृत्वमा विद्यालयले नयाँ उचाइ प्राप्त गर्ने विश्वास गरिएको छ ।
त्यसैगरी, ललित कर्णलाई उप–प्राचार्यको रूपमा नियुक्त गरिएको छ । उनले संस्थालाई उत्कृष्ट र विद्यालयको निरन्तर वृद्धिमा सहयोग गर्न प्रतिबद्ध व्यत्ति हुन् ।
त्यसैगरी विद्यालयको आन्तरिक मामिलालाई सुव्यवस्थित र कुशल बनाउने उद्देश्यले रमेश शर्मालाई स्कूल सञ्चालन प्रमुखको रूपमा नियुक्त गरिएको छ । उनी पनि एक समर्पित र अनुभवी व्यक्ति हुन् । शैक्षिक क्षेत्रमा नयाँपन ल्याउने उद्देश्यले एल्भिन आरोन रेन्जरलाई शैक्षिक नवप्रवर्तन (आर एण्ड डी) प्रमुखको रूपमा नियुक्त गरिएको छ । उनी अनुसन्धान र रचनात्मकताको माध्यमबाट सिकाइलाई नयाँ रूप दिनेमा नेतृत्वदायी भूमिका निर्वाह गर्न सक्ने सक्षम व्यक्ति हुन् ।
विद्यालयले ४९ वर्षको गौरवमय इतिहास मनाइरहँदा, सञ्चारको भूमिकालाई विशेष महत्व दिइएको छ । यसै क्रममा, संस्थापक÷प्राचार्य श्रीमती उर्मिला लामा र संस्थापक निर्देशक निमा लामाले सौरज प्रधानलाई जनसम्पर्क र सञ्चारको नयाँ संयोजकको रूपमा नियुक्त गरेका छन् ।
प्रधान एक जुझारु सूचना सम्प्रेषणमा क्षमतावान भएकोले विद्यालय र समुदायबीच अर्थपूर्ण सम्बन्ध स्थापित गर्न महत्वपूर्ण भूमिका खेल्ने विश्वास गरिएको छ । त्यस्तै सानो कक्षाका विद्यार्थीहरूको लागि सहज र प्रेरणादायी वातावरण सिर्जना गर्ने उद्देश्यले सिपेन्द्र गुप्तालाई जुनियर स्कूलको संयोजकको रूपमा नियुक्त गरिएको छ ।
उनी पनि विद्यालयप्रति एक समर्पित शिक्षक हुन् । बालबालिकाको सिकाईलाई रमाइलो बनाउनमा विशेष ध्यान दिने व्यक्ति भएकोले उनलाई नियुक्त गरिएको विद्यालयले जनाएको छ । गौतम स्कुलले नियुक्त गरेको नयाँ नेतृत्व टोलीको आगमनसँगै शैक्षिक क्षेत्रमा थप प्रगति गर्ने विश्वास लिएको छ ।
२०३३ सालमा स्थापना भएको विद्यालयले ४९ बर्षको यात्रासम्ममा वीरगन्ज र यस आसपासका शिक्षा क्षेत्रमा महत्वपूर्ण योगदान गरेको छ । शिक्षको गुणस्तरलाई अझ बढाउदै थप शैक्षिक हवको रुपमा विकास गर्नका लागि विद्यालयले निरन्तर शैक्षिक गतिविधिहरुलाई प्राथामिकता दिदै आएको जनाएको छ ।
विद्यालयमा अध्ययनरत विद्यार्थीहरुलाई सामाजिक सम्बन्ध जोड्नका लागि सामाजिक क्रियाकलापहरुमा समेत सहभागी गराउने गरिएको जनाएको छ ।
