काठमाडौँ । राष्ट्रिय स्वतन्त्र पार्टीका वरिष्ठ नेता बालेन शाहले शहीदहरूको बलिदानलाई बेवास्ता गर्ने छुट कसैलाई नभएको बताउनुभएको छ । शहीद दिवसको अवसरमा सामाजिक सञ्जालमार्फत एक सन्देश जारी गर्दै उहाँले शहीदहरूको सपना अझै अधुरो रहेको उल्लेख गर्नुभएको हो ।
शाहले राणा शासनविरुद्ध संघर्ष गर्ने शहीदहरू गङ्गालाल श्रेष्ठ, दशरथ चन्द, धर्मभक्त माथेमा र शुक्रराज शास्त्रीको स्मरण गर्दै व्यवस्था फेरिए पनि सत्ताको चरित्र नफेरिएको प्रति चिन्ता व्यक्त गर्नुभएको छ । “राणा शासनको अन्त्य भए पनि राज्य अझै जनताको बन्न सकेको छैन,” उहाँले लेख्नुभएको छ ।
शहीदहरूको क्रूर हत्या भएको ८५ वर्ष बितिसक्दा पनि जनताले पूर्ण रूपमा राज्यको अपनत्व महसुस गर्न नपाएको टिप्पणी उनले उल्लेख गरेका छन्। भदौमा भएको ‘जेनजी आन्दोलन’ मा सुशासन र भ्रष्टाचार अन्त्यको माग राख्दा ज्यान गुमाएका युवाहरूप्रति सम्मान । शाहले ८५ वर्षअघि जस्तै अहिले पनि परिवर्तन खोज्नेहरू शहीद हुनुपर्ने अवस्था दुःखद रहेको बताउनुभयो ।
राज्यका निकायमा व्याप्त चरम दलीयकरणको अन्त्य, भ्रष्टाचार निवारण र पारदर्शिता कायम गर्नु नै आजको मुख्य कार्यभार रहेको उल्लेख । गर्दै शहीदको रगतको सम्मान गर्दै सुशासनयुक्त र आर्थिक रूपमा समुन्नत नेपाल निर्माण गर्ने ऐतिहासिक जिम्मेवारी वर्तमान पुस्ताको काँधमा आएको उनले बताएका छन्।
नेता शाहले अब फेरि कसैले शहीद बन्नु नपरोस् भन्ने कामना गर्दै सम्पूर्ण ज्ञात-अज्ञात शहीदप्रति भावपूर्ण श्रद्धाञ्जली अर्पण गर्नुभएको छ ।
