वीरगन्ज । सशस्त्र प्रहरी बल नेपाल नं. १३ गण हेडक्वार्टर पर्साले विभिन्न स्थानबाट १४ लाख २५ हजार पाँच सय रुपैयाँ बराबरको अवैध सामान बरामद गरी भन्सार बुझाएको छ।
वीरगञ्जको खल्वा क्षेत्रस्थित धान खेतमा लुकाइछिपाइ राखिएको अवस्थामा ठूलो परिमाणको औषधि बरामद भएको हो। सशस्त्र प्रहरी बल नेपाल बीओपी ड्राइपोर्टबाट खटिएको टोलीले १३ लाख ४५ हजार पाँच सय रुपैयाँ बराबरको मानवीय प्रयोगमा आउने विभिन्न प्रकारका औषधि फेला पारेको छ।
उक्त औषधि बरामद गरेलगत्तै आवश्यक कारबाहीका लागि वीरगञ्ज भन्सार कार्यालयमा बुझाइएको सशस्त्र प्रहरी पर्साका सूचना अधिकारी सशस्त्र प्रहरी नावय उपरीक्षक सुरज कार्कीले जानकारी दिए ।
त्यसैगरी पर्साको छिपहरमाई गाउँपालिका वडा नं. ५ भिष्वास्थित सीमा क्षेत्रबाट भारतबाट अवैध रूपमा भन्सार छली नेपालतर्फ ल्याउँदै गरेको जुत्ता, चप्पल तथा प्लास्टिकका खेलौना बरामद गरिएको छ।
बीओपी भिष्वाबाट खटिएको गस्ती टोलीले ८० हजार रुपैयाँ बराबरको उक्त सामान नियन्त्रणमा लिएको हो। बरामद गरिएका सामग्रीहरूलाई पनि कारबाही प्रकृया अघि बढाउँदै भन्सार कार्यालयमा बुझाउने तयारी भइरहेको
सशस्त्र प्रहरी नायब उपरीक्षक तथा सूचना अधिकारी सुरज क्षेत्रीले जानकारी दिएका छन्।
