वीरगन्ज । रोयल इन्फिल्डले हन्टर ३५० को नयाँ भेरियन्ट र दुई नयाँ आकर्षक रंगहरूको मोटरसाईकल बजारमा ल्याएको छ ।
कम्पनीले नयाँ ‘टार्रमार्क ब्ल्याक’ रभेरियन्ट प्रस्तुत गर्नुका साथै टप भेरियन्टमा ‘मुम्बई यल्लो र ‘मुनशुट ह्वाईट’ रंग थपेर बजारमा ल्याएको हो। अल्फा मोटिभ आधिकारिक बिक्रेता मार्फत विभिन्न डिलरहरु मार्फत बजारमा ल्याएको छ ।
वीरगन्जमा नोभस ब्रोदर्श प्रालिले बिक्री खुला गरेको सेल्स मेनेजर राजन दासले जानकारी दिए । नयाँ टाम्याक भेरियन्ट दैनिक यात्रालाई अझ पहुँचयोग्य र सहज बनाउने उद्देश्यले डिजाइन गरिएको कम्पनीको दावी छ ।
यस भेरियन्टमा अलोय ह्विल, डिजी–एनालग इन्स्ट्रुमेन्ट क्लस्टर, रोटरी स्विचगियर, नयाँ राइडर इन्टरफेस, स्टिच्ड सिट, स्पोर्टी ग्राब रेल र सिंगल च्यानल एबीएस जस्ता सुविधाहरू छन्।
साथै, यसमा रहेको ‘स्लिप एन्ड असिस्ट क्लच’ ले सहरी ट्राफिकमा गियर परिवर्तनलाई अझ सहज बनाउने कम्पनीको भनाई छ ।
युवा राइडरहरूलाई लक्षित गर्दै थपिएका दुई नयाँ रंगहरूले मोटरसाइकललाई नयाँ शैली दिएका छन्।
‘मुम्बई यल्लो’ भारतको व्यस्त सहर मुम्बईको जीवन्त सहरी वातावरण र कलाबाट प्रेरित चम्किलो पहेँलो फिनिसमा उपलब्ध छ जसले यसलाई आधुनिक र स्पोर्टी लुक प्रदान गर्छ।
त्यसैगरी मूनशुट ह्वाईटमा ‘ओरायन’ नक्षत्रबाट प्रेरित आकाशीय ग्राफिक्स प्रयोग गरिएको छ जसले मोटरसाइकललाई छुट्टै र व्यक्तिगत पहिचान दिने कम्पनीको दावी छ ।
नेपालमा रोयल इन्फिल्डको आधिकारिक वितरक अल्फा अटोमोटिभ र कम्पनीका प्रतिनिधिहरूका अनुसार हन्टर ३५० को चुस्त ह्यान्डलिङ, कम्प्याक्ट डिजाइन र आधुनिक नियो–रेट्रो शैलीका कारण यो नयाँ पुस्ताका राइडरमाझ निकै लोकप्रिय बनेको छ।
नेपालभर रहेका अधिकृत रोयल इन्फिल्ड शोरुमहरूमा १६ सेप्टेम्बर २०२६ देखि यसको बुकिङ तथा बिक्री खुला हुनेछ।
नयाँ हन्टर ३५० टरम्याक भेरियन्टको मूल्य ४ लाख ८७ हजार एक्स–शोरुम र हन्टर ३५० टप भेरियण्ट र मुम्बाई यल्लो र मूनशुट ह्वाईट को मूल्य रु ५,११,००० (एक्स–शोरुम) मा तोकिएको छ ।
