वीरगञ्ज । पर्सा प्रहरीले वीरगञ्ज महानगरपालिकाबाट बरामद गरेको ११ लाख रुपैयाँभन्दा बढी मूल्यको भन्सार छली ल्याइएका लत्ताकपडा वीरगन्ज भन्सार कार्यालयमा दाखिला गरेको छ ।
वीरगञ्ज महानगरपालिका वडा नं. १६ स्थित ईनर्वागाउँबाट ओसारपसार भइरहेको विशेष सूचनाका आधारमा प्रहरी टोलीले ती सामानहरू नियन्त्रणमा लिएको हो ।
नियन्त्रणमा लिइएका विभिन्न किसिमका लत्ताकपडाहरूको अनुमानित बजार मूल्य रु. ११ लाख २ हजार १४ रहेको प्रहरी प्रवक्ता प्रहरी नायव उपरीक्षक चक्र बहादुर मल्ले जानकारी दिए ।
भन्सार छलेर भित्र्याइएका उक्त कपडाहरूलाई आवश्यक कानुनी कारबाहीका लागि आईतबार वीरगञ्ज भन्सार कार्यालय पर्सामा बुझाइएको प्रवक्ता प्रहरी नायव उपरीक्षक मल्लले बताए ।
ADVERTISEMENT
