वीरगन्ज । सुदूरपश्चिम विश्वविद्यालयबाट सम्बन्धन प्राप्त वीरगन्जको एपेक्स म्यानेजमेण्ट कलेजका बीबीए प्रथम सेमेस्टरका विद्यार्थीहरुको परिचयात्मक कार्यक्रम बिहीबार सम्पन्न भएको छ ।
कलेजको सभाहलमा आयोजित कार्यक्रमको प्रमुख अतिथि वीरगन्जका कलेजका प्रमुख तथा सञ्चालक समिति सदस्य विनोद गुप्ताले उदघाटन गरेका थिए ।
कार्यक्रमको उद्घाटनसत्रमा बोल्ने वक्ताहरुले बीबीए प्रथम सेमेस्टरमा नामांकन गरेका विद्यार्थीहरुलाई अनुशासित भएर आफ्नो अध्ययनलाई निरन्तरता दिन र उद्देश्य हासिल गर्न शुभकामना दिए ।
कलेज सञ्चालक समितिका अध्यक्ष डा।दीपेन्द्र कुमार चौधरीको अध्यक्षतामा भएको कार्यक्रममा वीरगन्ज कलेजका सहायक क्याम्पस प्रमुख रुदल ठाकुर, का सम्पादक नीरज पिठाकोटे मगर लगायतले शुभकामना व्यक्त गरेका थिए ।
कार्यक्रममा कलेजका एकाडेमिक प्रमुख दर्शन केसी र वीरगन्ज कलेजका प्रमुख विनोद गुप्ताले विद्यार्थीहरुलाई पाठ्यक्रम बाहेका आधारभूत विषयहरुको समेत ज्ञान हासिल गर्न र त्यसले पुग्ने फाईदाहरुको बारेमा प्रशिक्षण दिएका थिए ।
सुदूरपश्चिम विश्वविद्यालयबाट सम्बन्धन लिएर एपेक्स म्यानेजमेण्ट कलेजले बीबीएमा शतप्रतिशत नतिजा ल्याउन सफल भएकोले अहिले वीरगन्जमा बीबीएका लागि एपेक्स म्यानेजमेण्ट कलेज विद्यार्थीहरुको आकर्षण बनेको सञ्चालक समिति अध्यक्ष डा।चौधरीले बताए ।
उनले न्यून शुल्कमा गुणस्तरीय शिक्षा सबैको पहुँचमा पु¥याउने कलेजको उद्देश्य रहेको ताउदै गलत प्रचार गरेर अभिभावकलाई भ्रममा पारेर विद्यार्थीहरुको भविष्य विगार्न शिक्षामा लगानी नगरेको जिकिर गरे ।
वीरगंज कलेजका कोडिनेटर राजेश्वर चौधरी, एपेक्स म्यानेजमेन्ट कलेजका उप प्रध्यापक प्रकाश साह, उप प्रध्यापकहरु जितेन्द्र पटेल, प्रचेत कर्ण, राजन कुशवाहा, नितेश गुप्ता, श्रीमती प्रतिमा चौरसिया, श्रीमती रिचा कर्ण, मुकेन्द्र साह लगायतको उपस्थिति रहेको थियो । कार्यक्रमको स्वागत कलेजका संचालक समिति सदस्य सुरेश प्रसाद चौधरीले गरेका थिए ।
