काठमाडौँ। सरकारले आगामी आर्थिक वर्ष २०८३/८४ का लागि निजामती कर्मचारीहरूको तलबमा उल्लेख्य वृद्धि गरेको छ। शुक्रबार संघीय संसद्मा बजेट प्रस्तुत गर्दै अर्थमन्त्री डा. स्वर्णिम वाग्लेले कर्मचारीहरूको आधारभूत तलबमा १० प्रतिशत वृद्धि र कार्यसम्पादनमा आधारित थप १० प्रतिशत मासिक प्रोत्साहन भत्ताको घोषणा गर्नुभएको हो। यससँगै कर्मचारीहरूको कुल पारिश्रमिकमा करिब २१ प्रतिशतको वृद्धि हुनेछ भने हाल उपलब्ध गराइँदै आएको मासिक ५ हजार रुपैयाँ महँगी भत्ताले पनि निरन्तरता पाउने भएको छ।
नयाँ तलब संरचनाको मुख्य आकर्षण:
-
कार्यालय सहयोगी: ग्रेड र महँगी भत्तासहित मासिक न्यूनतम ४०,००० रुपैयाँ (हालको आधारभूत तलब २६,०८२ रुपैयाँबाट बढेर ३१,५५९ रुपैयाँ पुग्ने)।
-
मुख्यसचिव: ग्रेडबाहेक नै ९८,४१२ रुपैयाँ पुग्ने र ग्रेड थपिँदा कुल तलब १ लाख रुपैयाँ नाघ्ने।
-
तहगत न्यूनतम तलब (महँगी भत्तासहित, ग्रेडबाहेक):
-
खरिदार: ४४,८१० रुपैयाँ
-
नायब सुब्बा: ४७,०२३ रुपैयाँ
-
अधिकृत: ५७,८६२ रुपैयाँ
-
उपसचिव: ६३,९७१ रुपैयाँ
-
सहसचिव: ७३,७१२ रुपैयाँ
-
सचिव: ९२,२१९ रुपैयाँ
-
यो नयाँ तलबमान आगामी साउन महिनादेखि लागू हुने बजेट वक्तव्यमा उल्लेख छ। यसमा कर्मचारीहरूले पाउने व्यक्तिगत ग्रेड रकम थपिन बाँकी रहेकाले वास्तविक बुझ्ने रकम योभन्दा अझ बढी हुनेछ।
