वीरगन्ज । राष्ट्रिय स्वतन्त्र पार्टी (रास्वपा) का पर्सा जिल्ला सभापति एवं पर्सा क्षेत्र नम्बर १ का उम्मेदवार हरि पन्तलाई स्थानीय मतदाताले बलियो साथ दिन थालेका छन्। चुनावी अभियान अन्तर्गत आज गहवा र रामटोलमा आयोजित घरदैलो तथा मतदाता भेटघाट कार्यक्रममा पन्तलाई सयौँको संख्यामा उपस्थित स्थानीयले अभूतपूर्व समर्थन जनाएका हुन्।
आज बिहान सञ्चालन गरिएको घरदैलो कार्यक्रमका क्रममा स्थानीय बासिन्दाहरूमा विशेष उत्साह देखिएको थियो। कयौँ स्थानीयले आफ्नै घरको झ्याल र कौसीबाट ‘घण्टी’ बजाएर पन्तको स्वागत गर्दै समर्थनको संकेत दिएका थिए। मतदाताहरूले उम्मेदवार पन्तलाई घर-घरमा टीका, माला र पुष्पगुच्छा अर्पण गर्दै यसपटकको निर्वाचनमा ‘परिवर्तन’ पक्षधरलाई जिताउने प्रतिबद्धता व्यक्त गरे।
“हामीलाई यसपटक क्षेत्रको विकास र सुशासनका लागि वास्तविक परिवर्तन चाहिएको छ। हरि पन्तको सक्रियता र रास्वपाको एजेन्डाले हामीलाई आशावादी बनाएको छ,” भेटघाटका क्रममा एक स्थानीयले बताए।
पन्तको यस चुनावी अभियानलाई स्थानीय युवाहरूले काँधमा थापेका छन्। आजको कार्यक्रमलाई सफल पार्न निरज गुप्ता, सुमित कादमिया, अविनाश गुप्ता, विकास गुप्ता, छोटु साह, राजु साह, प्रदिप गुप्ता, दीपक कुशवाहा, आकाश गुप्ता, साहिल, अजय साह, करन साह, सन्तोष खेतान र रोशन खेतान लगायतका युवाहरूको टोलीले नेतृत्वदायी भूमिका निर्वाह गरेको थियो।
जनसहभागितामा सयौँको संख्यामा स्थानीयको उपस्थिति थियो। घर-घरबाट घण्टी बजाएर ऐक्यबद्धता प्रकट सांकेतिक समर्थन गरेकाे थियो। यसपटकको निर्वाचनमार्फत जिल्लाको राजनीतिमा परिवर्तन ल्याउने स्थानीयको दाबी गरेका छन्न ।
निर्वाचनको मिति नजिकिँदै गर्दा पर्सा १ मा हरि पन्तको चुनावी सरगर्मीले नयाँ मोड लिएको देखिन्छ।
