वीरगञ्ज । बारा प्रहरीले ३९ लाख ८४ हजार बराबरको समान सहितको दुईवटा ट्रक राजस्व अनुसन्धान कार्यालय पथलैयामा बुझाएको छ । आईतबार राति बाराको जीतपुर सिमरा उप–महानगरपालिका वडा नं.१ पथलैया प्रहरी चौकी र महागढीमाई नगरपालिका वडा नम्बर १ इनर्वामा नियन्त्रणमा लिएको सामान सहितको ट्रक राजस्व अनुसन्धान कार्यालय पथलैया बारामा बुझाएको बाराका प्रहरी प्रवक्ता प्रहरी नायव उपरीक्षक प्रकाश सापकोटाले जानकारी दिए ।
पथलैयाको प्रहरीले विराटनगरबाट काठमाण्डौ तर्फ जादै गरेको प्र.०१–०२–००१ ख ८०८६ नं. को ट्रकलाई रोकेर चेकजाँच गर्दा विल विजक भन्दा बढी मूल्य रहेको आशंकामा ३८ लाख १६ हजार ७६० मूल्य बराबरको इलेट्रिक सामान, कपडा, कफि लगायत अन्य खुद्रा समानहरू लोड रहेको ट्रक नियन्त्रणमा लिएको थियो ।
त्यस्तै आईतबार नै बाराको महागढीमाई नगरपालिका वडा नं. २ ईनर्वा चोकबाट पनि एक लाख ६८ हजार मूल्य बराबरको आलु सहित मिनी ट्रक प्रहरीले नियन्त्रणमा लिएको थियो ।
तेलकुवाबाट बरियारपुर तर्फ जादै गरेको ना ७ ख ३४३९ नम्बरको मिनि ट्रकमा लोड रहेको एक लाख अठसट्ठी हजार रूपैया बराबरको सात टन आलु सहित मिनि ट्रक नियन्त्रणमा लिईएको थियो ।
विशेष सूचनाको आधारमा गरिएको चेकजाँचमा दुवै ट्रकको बिल भरपाई भन्दा बढी र समानको स्रोत खुलाउन नसकेको ३९ लाख ८४ हजार ७ सय ६० रूपैया बराबरको विभिन्न समानहरू सहित २ वटा ट्रक नियन्त्रणमा लिई आवश्यक कारवाहीको लागी राजश्व अनुसन्धान कार्यालय पथलैया बारामा बुझाईएको प्रहरी नायव उपरीक्षक सापकोटाको भनाई छ ।
